लाभले अम्हास भाग्य बोलतो मराठी
जाहलो खरेच धन्य ऐकतो मराठी
धर्म, पंथ, जात एक जाणतो मराठी
एवढ्या जगात माय मानतो मराठी
बोलतो मराठी, ऐकतो मराठी,
जाणतो मराठी, मानतो मराठी..
मराठी भाषा गौरव दिनच्या मनस्वी शुभेच्छा !🚩
मराठी भाषा आमची मायबोली अर्थात आपली
मातृभाषा मायबोली म्हणजेच आपल्या आईच्या संगोपनातली भाषा !
आपली मराठी भाषा मुळात एक गुढ विषय आहे .
ज्याच्या खोलात गेल्यावरच त्याचा अर्थ उमजेल .
“मराठी भाषेची निर्मिती संस्कृतमधुन निर्माण झालेल्या
महाराष्ट्र प्राकृत व अपभ्रंश या भाषांपासून झाली “. तशा
भारतांतल्या बहुतेक सर्व भाषा संस्कृत भाषेपासुन निर्माण झाल्या.
आपली मराठी भाषा सर्व महाराष्ट्राची जरी एक असली तरी
तिच दर बारा कोसावर बदलते . लेखी भाषा तीच असली
तरी बोलीभाषेत मात्र फरक पडतो .तिचे हेल वेगळे होतात.
परंतु गेल्या काही वर्षांत देशाच्या सर्वाधिक बोलल्या जाणाऱ्या
भाषांमध्ये मराठी कुठेतरी मागे पडत चालली असताना ,
आज पुन्हा सरकारनं जाहीर केलेल्या भाषा अहवालानुसार
तेलगू भाषेला मागे टाकत आपल्या मराठीने तिसरे स्थान
पटकावले आहे ,हे प्रत्येक मराठी प्रेमींसाठी आनंदाची बाब आहे.
मराठी भाषा गौरव दिन | Marathi Bhasha Din | Marathi Language Day २७ फेब्रुवारी
मराठी भाषा लवचिक आहे म्हणजे आपण जशी तिला
वळवू तशी ती बदलते. थोड्या फरकाने शब्दांचे अर्थ बदलतात .
कधी-कधी तर एकाच शब्दाचे दोन वेगवेगळे अर्थ निघतात व
अनेक गैरसमज वाढलेली उदाहरणही आहेत. मराठी भाषेला
अभिजात दर्जासाठी लोक चळवळ हवी .बारा वर्षांपूर्वी केंद्र
सरकारने तामिळ भाषेला अभिजात भाषेचा दर्जा दिला ,त्यानंतर
संस्कृत ,तेलगू ,कन्नड ,मळल्यालम आणि उडिया या भाषांनी
हा दर्जा पटकावला .अमृतातेही पैजा जिंकणारी मराठी हि
जगातील दहाव्या क्रमांकाची भाषा आहे . मराठीला हा दर्जा
मिळावा यासाठी महाराष्ट्र सरकारने नियुक्त केलेल्या रंगनाथ पठारे
समितीने सखोल संशोधन करून सुमारे पाचशे पृष्ठांचा
अहवाल तीन वर्षांपूर्वी सादर केला .जी भाषा रोजगार देते तीच टिकते .
उदा; इंग्रजी
हल्लीच्या तरुणपिढीवर इंग्रजी भाषेचा जास्त पगडा
असल्याचं दिसून येतं ,आणि एकीकडे काही अशीही तरुणमंडळी
आहेत ,जी कॉलेजस्तरावर मराठी भाषेच्या संवर्धनासाठी वेगवेगळे
उपक्रम राबवतात . त्यापैकीच काही कॉलेजमधील वाचनालयातील
ग्रंथ ,कादंबरी ,तसंच इतर प्रेरणादायी पुस्तकं त्यांचं प्रदर्शन ,
किंवा वाचन दिवसांतर्गत एका विद्यार्थ्याने एक तरी मराठी पुस्तकं
वाचावं असे कार्यक्रम ,मराठीत वक्तृत्त्व स्पर्धा ,किंवा वर्गातच
विद्यार्थ्यांमध्ये गंमतशीर वादविवाद स्पर्धा अशाप्रकारे बहुतेक
कॉलेजेस मध्ये मराठी भाषा संवर्धनासाठी प्रयत्न केले जातात ..
वाचनसंस्कृती ,साहित्यप्रकाशन आणि ग्रंथविश्वाला मोठा हातभार लागेल .
मराठी ज्ञानभाषा म्हणून विकसित होईल .कोश वाङमयाच्या
बाबतीत मराठी जगातील दुसरी समृद्ध भाषा आहे .मराठीतील
वैचारिक व विनोदी साहित्य जागतिक तोडीचे आहे .हि फक्त
एका प्रांताची भाषा नसून ,ती महत्त्वाची राष्ट्रीय आणि आंतरराष्ट्रीय
भाषा आहे. “अभिजाततेचा सर्वाधिक महत्त्वाचा निकष आहे ,
भाषेची आणि साहित्याची श्रेष्ठता”..!
मराठी संवर्धनाची सध्या फार गरज आहे .
सद्यपरिस्थिती भाषा हे केवळ संवादाचं माध्यम न राहता
ते एकमेकांचे विचार जोपासण्याचं साधन झालं आहे .
त्यामुळे इतर भाषांची सरमिसळ केलेली कोणालाही चालणार नाही .
२७ फेब्रुवारी हाच दिवस मराठी भाषा गौरव दिन
म्हणून का साजरा केला जातो ?
२७ फेब्रुवारी हा दिवस मराठी भाषिकांसाठी अभिमानाचा आहे.
वि.वा. शिरवाडकर म्हणजेच विष्णू वामन शिरवाडकर
यांच्या जीवनकार्याचा गौरव करण्यासाठी हा दिवस
मराठी दिन किंवा “मराठी भाषा गौरव दिन” म्हणून साजरा केला जातो.
वि.वा. शिरवाडकर हे कुसुमाग्रज या टोपण नावानेही प्रसिद्ध आहेत.
१९९९ मध्ये त्यांच्या निधनानंतर महाराष्ट्रातील मराठी भाषेची
समृद्धी आणि वारसा साजरा करण्यासाठी २७ फेब्रुवारी ही
त्यांची जन्मतारीख निवडण्यात आली.
तुम्हांला माहित आहे का ?
एकदा एका भाजीविक्रेत्याने आपल्या कमाईतून ९०० मराठी
पुस्तके जतन केल्यामुळे तिला “भाषा संवर्धन” हा पुरस्कार देण्यात आला.
कुसुमाग्रज हे एक प्रसिद्ध मराठी कवी, नाटककार,
कादंबरीकार आणि मानवतावादी होते. त्यांचा जन्म
27 फेब्रुवारी 1912 रोजी पुणे येथे झाला आणि
10 मार्च 1999 रोजी मुंबईत त्यांचे निधन झाले.
शिरवाडकर हे मराठी साहित्यातील अग्रगण्य कवी मानले जातात.
आणि मराठी साहित्यातील त्यांच्या योगदानामुळे
त्यांना साहित्य अकादमी पुरस्कार पद्मभूषण
आणि दादासाहेब फाळके पुरस्कारयांसह अनेक सन्मान मिळाले आहेत.
मराठी भाषा गौरव दिन | Marathi Bhasha Din | Marathi Language Day २७ फेब्रुवारी
Wishes to share with a Marathi speaker:
मराठी भाषा दिन शुभेच्छा Quotes:
१. लाभले अम्हास भाग्य बोलतो मराठी, जाहलो खरेच धन्य ऐकतो मराठी
तुम्हा सर्वाना मराठी भाषा दिनाच्या शुभेच्छा !
२. रुजवू मराठी, फुलवू मराठी कला बोलू फक्त मराठी
मराठी भाषा दिनाच्या हार्दिक शुभेच्छा !
३. माझ्या मराठी मातीचा लावा ललाटास टिळा
हिच्या संगाने जागल्या दऱ्या-खोऱ्यातील शिळा
सर्व मराठी भाषा प्रेक्षकांना अनेक शुभेच्छा !
#marathibhshadin #kusumagraj #vivashirvadkar #marathilaunguageday #marathibhasha
अशाच नव-नवीन विषयांवरील माहिती जाणून घेण्यासाठी
आमच्या वेबसाईटला नक्की भेट देत राहा.
धन्यवाद !
Also Read: मराठी प्रेरणादायी Quotes । Marathi Inspirational Quotes – मराठी BlogWali (marathiblogwali.in)